బొల్లారం మున్సిపల్ కౌన్సిల్ సమావేశంలో పాల్గొన్న ఎంపీ రఘునందన్ రావు

*ఎం.పీని సన్మానించిన కౌన్సిలర్ చంద్రారెడ్డి

విశ్వంభర, పటాన్ చేరు: సంగారెడ్డి జిల్లా పటాన్ చేరు నియోజక వర్గం బొల్లారం మున్సిపల్ కౌన్సిల్ సమావేశానికి మెదక్ పార్లమెంటు సభ్యుడు రఘునందన్ రావు ముఖ్య అతిథిగా హాజరయ్యారు. ఈ సందర్భంగా ఎం.పీ రఘునందన్ రావు ని మున్సిపల్ కౌన్సిలర్ వి.చంద్రారెడ్డి ఆధ్వర్యంలో కౌన్సిలర్లు ఘనంగా సన్మానించారు. అనంతరం జరిగిన సమావేశంలో అభివృద్ధి పనులకు సంబంధించిన అంశాలను సభ్యులు ప్రస్తావించారు. వాటిలలో నెలకొన్న సమస్యలను పరిష్కరించాలని సభ దృష్టికి తీసుకువచ్చారు.కేంద్రం నుంచి అందుతున్న నిధులపై ఆరా తీశారు. ఈ సందర్భంగా ఎం.పీ రఘునందన్ రావు మాట్లాడుతూ ప్రభుత్వ పథకాలను ప్రజల వద్దకు చేర్చేలా ప్రజా ప్రతినిధులు కృషి చేయాలన్నారు. అనంతరం ఆయా వార్డులలో చేపట్టవలసిన అభివృద్ధి పనులకు సంబంధించిన ప్రతిపాదనలపై బడ్జెట్ కేటాయింపులు చేశారు.ఈ కార్యక్రమంలో మున్సిపల్ కమిషనర్ మంగతాయారు,కౌన్సిలర్ లు ,కో ఆప్షన్ సభ్యులు, మేనేజర్ మల్లికార్జున్,(ఆర్ ఓ) నర్సింలు , ఆయా శాఖల అధికారులు తదితరులు పాల్గొన్నారు.