విద్యార్థులకు తెలంగాణ ఆర్టీసీ గుడ్‌న్యూస్

నిరుద్యోగ యువతకు తెలంగాణ టీజీఎస్ఆర్టీసీ గుడ్‌న్యూస్ చెప్పింది. 8, 10వ తరగతి విద్యార్థులకు హైదరాబాద్, వరంగల్‌లోని ఐటీఐ కళాశాలల్లో వివిధ ట్రేడ్‌లలో ప్రవేశాలకు ఆసక్తి గల విద్యార్థుల నుంచి సంస్థ దరఖాస్తులను ఆహ్వానిస్తోంది. అర్హత కలిగిన విద్యార్థులు జూన్ 10 లోపు ఆన్‌లైన్ (https://iti.telangana.gov.in)లో దరఖాస్తు చేసుకోవాలని పిలుపునిచ్చింది. 

నిరుద్యోగ యువతకు చక్కటి శిక్షణ, బంగారు భవిష్యత్ అందించడంతో పాటు తక్కువ వ్యవధిలో ఉపాధి కల్పించాలనే ఉద్దేశంతో ఈ ఐటీఐ కళాశాలలను సంస్థ ఏర్పాటు చేసిందన్నారు. నిపుణులైన అధ్యాపకులతో పాటు అపార అనుభవంగల ఆర్టీసీ అధికారులచే తరగతులను నిర్వహిస్తోందన్నారు. ఈ ట్రేడ్‌లలో ప్రవేశం పొందిన విద్యార్థులకు కోరుకున్న టీజీఎస్ఆర్టీసీ డిపోల్లో అప్రెంటిస్‌షిప్ సౌకర్యం కల్పిస్తున్నట్లు తెలిపారు. 

అదేవిధంగా మోటార్ మెకానిక్ వెహికిల్, మెకానిక్ డిజిల్, వెల్డర్, పెయింటర్ ట్రెడ్‌లలో ప్రవేశాలు జరుగుతున్నాయని పేర్కొంది. ఐటీఐ కోర్సుల్లో చేరాలనుకునే విద్యార్థులు హైదరాబాద్ ఐటీఐ కళాశాల ఫోన్ నంబర్లు 9100664452, 040-23450033, వరంగల్ ఐటీఐ కళాశాల ఫోన్ నంబర్లు 9849425319, 80081366115 సంప్రదించగలరని తెలిపింది. పూర్తి వివరాలకు https://iti.telangana.gov.in వెబ్‌సైట్‌లో చూడొచ్చు.