కాంగ్రెస్ సేవాదళ్ ఆధ్వర్యంలో ఘనంగా నెహ్రు జయంతి

అధ్యక్షులు మిద్దెల జితేందర్ , సేవాదళ్ స్టేట్ సెక్రెటరీ కొదుమూరి దయాకర్ రావు

విశ్వంభర, గాంధీ భవన్ : స్వతంత్ర సమరయోధుడు, భారతదేశ తొలి ప్రధానమంత్రి,అఖిల భారత కాంగ్రెస్ సేవాదళ్ మాజీ అధ్యక్షులు, భారత రత్న పండిట్ జవహర్ లాల్ నెహ్రూ జయంతి సందర్బంగా గాంధీభవన్ లొ తెలంగాణ ప్రదేశ్ కాంగ్రెస్ సేవాదళ్ అధ్యక్షులు మిద్దెల జితేందర్ ఆధ్వర్యంలో ఘనంగా నిర్వహించారు. ఈ కార్యక్రమంలొ రాష్ట్ర కాంగ్రెస్ వ్యవహారాల ఇంచార్జి దీప దాస్ మున్షి, ఉప ముఖ్యమంత్రి మల్లు భట్టి విక్రమార్క లు పాల్గొని కేక్ కట్ చేసారు. ఈ సందర్భంగా వారు మాట్లాడుతూ... 1923లో అఖిలభారత కాంగ్రెస్ సేవాదళ్ మొట్టమొదటి అధ్యక్షునిగా పనిచేస్తూ.... భారతదేశానికి దశాదిశా చూపిన నాయకుడు, స్వతంత్ర సమరయోధుడు పండిట్ జవహర్లాల్ నెహ్రూ అని అన్నారు. అంతేకాకుండా భారతదేశంలో పంచవర్ష ప్రణాళిక ఏర్పాటు చేసి భారతదేశాన్ని అభివృద్ధి పథంలో నడిపిన గొప్ప నాయకుడు అన్నారు. ఈ కార్యక్రమంలొ కాంగ్రెస్ పార్టీ సేవాదళ్ స్టేట్ సెక్రెటరీ కొదుమూరి దయాకర్ రావు, కాంగ్రెస్ పార్టీ స్టేట్ నాయకులు ,కార్యకర్తలు పెద్ద ఎత్తున పాల్గొన్నారు.