ఘనంగా సీల్ వెల్ సిఎండి  బండారు సుబ్బారావు జన్మదిన వేడుకలు 

విశ్వంభర, హైదరాబాద్ : ప్రపంచ ఆర్యవైశ్య మహాసభ ఆల్ ఇండియా విభాగము ప్రపంచ ఆర్యవైశ్య మహాసభ గ్లోబల్ చీఫ్ అడ్వైజర్ సీల్ వెల్ కార్పొరేషన్ సిఎండి  బండారు సుబ్బారావు  జన్మదినోత్సవ సందర్భంగా వరల్డ్ ఆర్యవైశ్య మహాసభ అడ్వైజర్  కౌటిక విటల్  ఆధ్వర్యంలో ముషీరాబాద్ లోని గాంధీ హాస్పిటల్ ప్రాంగణంలో అన్నదాన కార్యక్రమం నిర్వహించారు.  ఈ కార్యక్రమంలో 1000 మందికి ప్రసాద వితరణ చేసారు.  ఈ కార్యక్రమానికి తెలంగాణ ఆర్యవైశ్య కార్పొరేషన్ చైర్మన్ ప్రముఖ నాయకురాలు కల్వ సుజాత ముఖ్య అతిథిగా విచ్చేశారు.  ఆమె మాట్లాడుతూ సుబ్బారావు కి జన్మదిన శుభాకాంక్షలు తెలియజేస్తూ అన్నదాన మహాదానమని ఈ కార్తీక మాసంలో అన్నదానం చేయడం సుబ్బారావు యొక్క  జీవితం ధన్యమైందని అన్నారు.  ఆయన ప్రజాహిత కార్యక్రమాలు ఎన్నో చేస్తూ వైశ్య జాతిలో పుట్టడం అదృష్టం సౌభాగ్యం అని, అన్నదానం అనేది రెండు పదాలతో రూపొందించబడింది అన్నమంటే ఆహారం దానం, అంటే ఇవ్వడం దానం చేయడం మహాదానం అని కూడా అంటారు.  ప్రతి జీవికి ప్రశాంతమైన జీవితాన్ని గడపటానికి కొన్ని ప్రాథమిక అంశాలు జీవన  నాణ్యతను ప్రభావితం చేస్తున్నప్పటికీ ఆహారం లేకపోతే జీవితమే లేదు.  అందుకే అన్నం పరబ్రహ్మ స్వరూపం అని అంటారు.  అన్నం లేదా ఆహారం లేకపోతే ఏ ప్రాణి జీవించలేదని  ఆమె అన్నారు. ఈ కార్యక్రమంలో వరల్డ్ ఆర్యవైశ్య మహాసభ నాయకుడు ఇంటర్నేషనల్ వైశ్య ఫెడరేషన్ తెలంగాణ శాఖ ఉపాధ్యక్షుడు వాసవి ఆర్ట్ థియేటర్ అధ్యక్షుడు డాక్టర్ నీలా శ్రీధర్ పాల్గొన్నారు.  అవోపా ప్రధాన కార్యదర్శి రవి గుప్తా, మాతా వాకర్స్ క్లబ్ ప్రధాన కార్యదర్శి  అల్లాడి శ్రీనివాస్,  తదితరులు పాల్గొన్నారు.